Nagpaguwa naman sang executive order si Governor Arthur Defensor Jr. Nga nagadeklarar sang lockdown sa bilog nga probinsya sang Iloilo agud mapunggan ang paglapta sang coronavirus disease ukon covid-19.
Ang executve order number 080 nagamandu sa pagpatuman sang enhanced community quarantine sa bug-os nga probinsya sang Iloilo para sa mas mapabaskog ang proteksyon batuk sa covid-19.
Angut sini, umpisa alas 12:01 karon sa kaagahon,(Marso 21) maga-epekto naman ang curfew sa probinsya sang Iloilo.
Hugot man nga ginapatuman ang “home quarantine” sang tanan nga pumuluyo sa kabanwahanan, kag sirado ang mga establisimiento komersyal magluwas sa mga grocery stores, botika kag mga merkado, samtang kanselado naman ang paghiwat sang market day sa mga kabanwahanan.
ginhatagan pagtamod sang gobernador nga ginapatuman ini para sa kaayuhan sang tanan nga malikaw sa pamahog sang makamamatay coronavirus disease.
