Temporaryo nga gin-untat sang Teresita Lopez Jalandoni Provincial Hospital sa ciudad sang Silay ang admission sang mga pasyente bangud sang pagpositibo sa coronavirus sang tatlo ka mga doctor nga nagaduty diri.
Gin-confirm sa DYHB ni Provincial Administrator Rayfrando Diaz, nga duha ka internal medicine doctors kag isa ka pediatrician nga regular employees sang hospital ang nagpositibo sa coronavirus. Bangud sini, gin-disinfect ang emergency room sang hospital, ang operating room ang maga-operate lamang kun emergency kag wala anay nagabaton sang admission sa mga pasyente.
Matapos nag-positibo sa COVID-19 ang tatlo, nagpatigayon sang contact tracing sa mga close-contact sang mga ini nga mga nurses kag medical technologists apang negatibo sila sa virus.Ginahulat naman karun ang resulta sang swab tests sa mga pasyente nga naatubang naman sang tatlo ka doktor.
Samtang, ginpahayag ni Diaz nga ginlapas sang isa sa tatlo ang memorandum ni Gov. Eugenio Jose Lacson duha na ka semana ang nakaligad nga nagadumili sa mga doktor sang probinsiya, nga mag-duty sa iban nga hospital samtang wala pa natapos ang COVID-19 bangud sang peligro nga madulat sini kun sila ang ma-infect.
Suno kay Diaz, ang isa sa tatlo ka mga doktor, amo ang nag-duty sa iban nga hospital kag didto sini nakuha ang infection.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
