Ginapasiguro ni Councilor Archie Baribar nga hatagan na pagtamod ang isyu sa curfew ordinance sang Bacolod matapos natukiban nga tubtob subong wala pa sang may nasukot nga multa sa mga violators bangud wala sang citation ticket ang mga kapulisan.
Sa interview sang DYHB kay Councilor Archie Baribar nga author sang amo nga ordinansa, ginpahayag sini nga nakalab-ot naman sa iya igtalupangod ang amo nga isyu. Suno sa konsehal, ginsuhestyon na sini sa City Treasurer’s Office nga dapat magbutang sang tawo sa Bacolod City Police Office (BCPO) ukon sa daan nga city hall nga amo ang in-charge sa pagsukot sa violators gamit ang opisyal nga resibo sang ciudad samtang wala pa sang citation ticket nga magamit naman sang mga pulis agud masukot nila sang multa ang mga madakpan.
Nahibaluan nga sa idalom sang ordinansa, ang magalapas sa 10 PM to 4 AM curfew ang multahan sang P500 ukon walo ka oras nga community service kun residente sang Bacolod kag P1,000 naman sa mga non-Bacolod residents.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
