Imbestigahan sa Committee on Public Utility sa City council unyang hapon ang No Sticker No Entry alang sa mga motorized sikad ug Tricab nga gustong mamasahero sa Barangay Puerto.
Matud ni Committee Chairman, Councilor Teodulfo Lao Jr., nga iyang ipatawag unyang hapon sa iyang committee meeting silang Puerto Barangay Chairman Ian Achas ug mga opisyal sa kapunongan sa mga Passenger tri-wheel sa barangay Bugo, Agusan ug silingan nga mga barangay.
Kini aron ilang sulbaron ang reklamo sa mga pasahero nga kanunay mag-double ride sa ilang pagsakay sa Passenger tri-wheel tungod sa No sticker No Entry Policy ni Kapitan Achas alang sa mga tri-wheel nga mamasada sa ilang barangay.
Matud ni Lao nga lakip sa iyang ipatawag sa iyang committee meeting ang mga opisyal sa Land Transportation Office, Roads and Traffic Administration, ug uban pang residente sa Puerto, Bugo, Agusan ug silingan nga mga barangay nga apektado sa polisiya ni Kapitan Achas.
