General Santos City—gipulong sa Land Transportation Franchising and Regulatory Board uban sa mga opisyal sa syudad sa pagpanguna ni City Councilor Dominador Lagare Jr., Chairman sa Committee on Transfortation sa Sanguniang Panglungsod ang tanang mga Van operator nga nagabyahian sa Gensan padulong sa managlahing lugar sa rehiyon sama nalang sa Sarangani, Davao ug Palimbang, Sultan Kudarat.
Nasayran nga migula ang mga impormasyon nga nag-away away na ang mga grupo sa Van gumikan sa kumpitisyon.
Dunay pipila ka grupo nga nagpaubos sa ilang pamasahe aron tua musakay ang mga sumasakay samtang usa sa mga problema ang punay nga pag unhanay sa mga nasangpit sa dalan aron nga makakuha ug pasahero.
Sumala ni LTFRB Regional Director Rasul Racman nga tumong sa pagtigum sa mga nasangpit aron nga mahatagan ug sulusyon ang ilang problema. Sumala pa nga mabutang sa pelegro ang kinabuhi sa ilang mga pasahero kung punay silang mag karerahay diha sa kadalanan.
Samtang resulbahon usab ang uban pang problema nga gilapas sa mga nasangpit sa ilang pagpamasada.
