Gitinguha karon ni Misamis Oriental Governor Bambi Emano nga manguna sa pag-develop og produkto nga gama gikan sa kawayan.
Kini tungod sa kaikag sa gobernador nga mapasa ngadto sa tanang mag-uuma ug gagmay’ng magpapatigayon sa lalawigan ang iyang nakat-onan gikan sa iyang mga byahe abroad.
Nasayran nga ning bag-o gikan sa nasud sa China si Gobernador Emano ug nitambong sa Bamboo and Rattan Congress.
Kini aron mahibalo sa bag-ong teknolohiya nga maggamit sa mga mag-uuma ug mga miyembro sa small and medium entrepreneurs sa Misamis Oriental.
Ang mga produkto nga gama sa kawayan gikan China susama sa maleta, baseball bat, tubo sa kuryente ug tubig, ug daghan pang uban mahimo usab magama dinhi sa lalawigan pinaagi sa state-of-the-art machines.
Anaa pa ang bamboo shoots nga laing produkto usab gikan sa kawayan isip produktong pagkaon.
PC: PIO, Misamis Oriental
