Sa interview sa RMN Malaybalay ngadto kang 1st Lt. Kevin Bautista, Civil Military Officer (CMO) ug Spokesperson sa 89th Infantry (Makatao) Battalion sa Philippine Army nga nakabasi sa Mawab, Davao De Oro, gibutyag niya nga focus sa kasundaluan karon ang pagpakusog sa pwersa ilabi na batok sa mga rebeldeng New People’s Army (NPA).
Dugang ni Lt. Bautista nga pinaagi sa mga naorganisang mga bagani kon mga tribal warriors, mas mapanalibdan nila ang ilang mga katungod ug malikayan nga malaylo sa walhong grupo.
Sigon pa ni Lt. Bautista ang kasundaluan kaniadto nagatutok sa Focused Military Operation (FMO) apan sa karon mas ginapakusgan na nila ang community involvement ilabi na pag-organisa sa mga bagani.
Usa matud pa sa tumong sa kasundaluan ang People Empowerment, maong bisan paman mulakaw ang mga kasundaluan sa ilang area of responsibility, maprotektaran sa komunidad ilang mga yutang kabilin pinaagi sa mga bagani.
Adtong Sabado, gipahigayon ang grand pulong-pulong sa mga Bagani gikan sa walo (8) ka mga barangay sa San Fernando, Bukidnon nga gi-organisa sa hugpo sa 89th Infantry (Makatao) Battalion sa Philippine Army inubanan sa lokal nga pangagamhanan sa San Fernando pinanguluhan ni Mayor Rogelio Yeke ug ubang mga ahensiya sa gobyerno.
