Successful ang programa nga edukasyon sa Misamis Oriental.
Kini ang gibutyag ni Schools Division Superintendent Dr. Randolph Tortola, alayon sa gipahigayong Brigada Eskwela 2019 sa Alubijid Central School, ubos sa tema nga ‘’Lig-on nga nasud, alang sa malambuon nga tunghaan ‘’
Atol sa maong adlaw, mipadangat sa iyang pasalamat si Dr.Tortola sa mga ginikanan nga nagpartisipar sa nasangpit nga kalihukan ug sa mga nagpaluyo niini, particular si Misamis Oriental Governor Bambi Emano kinsa padayon nga nagsuporta kung edukasyon na ang hisgutan.
Ang Brigada eskwela mao ang pinakadugay nga programa sa Republic of Education ug hapit na kini mag 20 ka tuig nga programa.
Nasayran nga sa tibuok rehiyon diyes, ang lalawigan sa Misamis Oriental ang adunay pinakadaghan ug Integrated Schools.
