Nagpaabot sa iyang pagyukbo, pagtahud ug pahalipay si Misamis Oriental Governor Bambi Emano sa tanang myembro, konsumidor, ug tag-iya sa MORESCO 1.
Kini tungod sa laing kalampusan sa kooperatiba, ilabi na nga nag-selebrar kini sa ika-49 anyos nga Annual General Membership Assembly kon AGMA, ug ika-51 anyos nga kasumaran sa pagkamugna isip usa ka Electric Cooperative.
Matud ni Gov. Emano- nga iyang giila ang kooperatiba tungod sa tinuoray nga panerbisyo niini isip bilihong haligi sa nasud, ilabi na sa Misamis Oriental nga nagsilbing suga ug kahayag aron makab-ot ang daghang kalamboan.
Kini usa ka suga nga naglamdag sa matag pamilya ug indibidwal ngadto sa mga maayong plano, alang sa haruhay nga pamuyo, ug mauswagon nga panginabuhian.
Facebook Comments
