Programang NTF-ELCAC, hugot nga estudyuhan sa bag-ong National Security Adviser; Bukidnon, usa sa mga natabangan sa maong programa

Wala pay ideya sa karon si incoming National Security Adviser Professor Clarita Carlos sa dagan sa programang National Task Force to End Local Communist Armed Conflict o NTF-ELCAC apan gisiguro niya nga iyahanag hugot nga estudyuhan ang maong programa.

Sa Laging Handa public press briefing, gisulti ni Carlos nga wala pa siya gihatagan og briefer sa iyahang pulihan sa posisyon nga si Secretary Hermogenes Esperon kabahin niini.

Gikinahanglan matud pa ni Carlos nga istudyuhan niya ang kabahin sa NTF- ELCAC apan basi sa iyang nakuha nga impormasyon sa ground daghan matud pa og kalampusan ang maong programa.

Usa ang probinsya sa Bukidnon sa tibook nasud nga dako ang nakuha nga benipisyo sa programang NTF-ELCAC. Nahimo kining instrumento sa pagtahan ug pagkapatay sa mga iladong lider sa grupo sa NPA sama nalang nilang Ka-Oris kon Jorge Madlos, Ka-Bok kon Menandro Villanueva, Pedro Codaste alyas Gonyong ug uban pa.

Dugang pa ni Professor Clarita Carlos nga ang mga success stories sa maong programa kinahanglang iduplika ug ipahibalo samtang iyang ginatun-an ang mga detalye sa mandato sa NTF- ELCAC.