Fully vaccinated coverage sa Bukidnon anaa pa sa kapin 75%

Wala pa nakab-ot ang sento porsento nga fully vaccinated coverage kon anaa pa sa 75.88% ang kasamtangang fully vaccinated coverage hangtud Hunyo 12 sa probinsya sa Bukidnon.

Kini base sa pinakaulahi nga datos nga gipagawas gikan sa Department of Health (DOH)-Northern Mindanao kagahapong adlawa, diin anaa sa ikatulo ang Bukidnon nga aduna nay pinakataas nga fully vaccinated coverage sa tanang mga probinsya ug lugar nga gisakupan sa Northern Mindanao.

Nanguna usab nga adunay taas nga coverage ang Cagayan De Oro City nga anaa na sa 95.08%, gisundan sa Camiguin nga 85.57% ug ikatulo ang Bukidnon nga 75.88%.

Kahibaloan nga base sa IATF Resolution No.165-D series of 2022 sa pagpailawom sa mga lugar diha sa alert level 1 kung kini adunay 70 porsento nga herd coverage.

Samtang, padayon gihapon karon ang DOH region 10 ug ingon man ang mga LGUs sa pag-awhag sa tanang katawhan sa pagpabakuna na batok sa covid-19 ug ingon man sa kompletong pagpabakuna usab sa duha ka booster dose nganha sa mga fully vaccinated person.

Facebook Comments