Ginapatuman sa subong sang anum ka mga banwa sa probinsya sang Sultan Kudarat ang Project ANAK ukon “Accelerated Nutrient Advocacy for Kids, ang complementary feeding intervention nga may katuyuan nga masolusyunan ang problema sa malnutrisyon sa mga kabataan anum ka bulan tubtob duha ka tuig.
Ang nasambit nga mga banwa nga nag-adoptar kag patuman sang DOST-FNRI Project ANAK amo ang Columbio, Esperanza, Lambayong, Kalamansig, President Quirino kag Senator Ninoy Aquino.
Prayoridad sang 120 ka adlaw nga feeding intervention sa mga kabataan edad 6 tubtob 24 ka bulan nga underweight, stunted kag wasted gamit ang complementary food nga himo sang DOST-FNRI Complementary Food Production Center sa SKSU, Isulan Campus, Sultan Kudarat.
Target naman sang anum ka mga banwa ang 24-35 ka bulan nga malnourished nga mga kabataan.
Ginabug-usan ang Complementary foods sang “BIG MO” Rice-Mongo Instant Blends ang paagi sa pagdugang sang 2/3 cup sang ininit nga tubig nga ihatag sa 6-11 ka bulan, samtang ang ready-to-eat “BIG MO” Rice-Mongo Curls ang ihatag sa 12 ka bulan pataas. Ang nasambit nga pagkaon ang bastante sa protina kag energy nga ginluto sang maayo.
May-angot sini, ang Barangay Nutrition Scholars (BNSs) kag Human Resources for Health-Nutritionist Dietitians (HRH-NDs) ang nagpatigayon na sang nutrition education sa mga iloy kag mga caregivers gamit ang DOST-FNRI PINOY module.
Ang feeding program ang kabahin sang First 1000 days health program nga sakop halin sa pagbuntis tubtob sa pagbun-ag agud nga masiguro nga maayo ang pagbuntis sang iloy, mangin luwas sa pagbun-ag, nagapabreastfeed kag padayon ang complementary feeding samtang nagapadayon ang breastfeeding.
Umpisa sang 2019 ginapondohan sang Provincial Government sang Sultan Kudarat ang proyekto agud masiguro ang padayon nga implementasyon sang programa.
