Ayon kay House Committee on Justice Chairperson and Batangas Rep. Gerville Luistro, hindi apektado ng desisyon ng Kataas-taasang Hukuman ang proseso ng impeachment laban kay Pangulong Ferdinand ‘Bongbong’ Marcos Jr.
Sinabi ito ni Luistro makaraang pagtibayin ng Supreme Court ang una nitong deklarasyon na unconstitutional ang articles of impeachment laban kay Vice President Sara Duterte.
Paliwanag ni Luistro, ang pasya ng Korte Suprema ay patungkol sa pag-apruba o pagboto ng 1/3 ng mga kongresista sa plenaryo ng Kamara pabor sa impeachment complaint laban kay VP Sara.
Diin ni Luistro, iba ito sa naging proseso para sa dalawang verified impeachment laban kay PBBM na ngayon ay nasa Committee on Justice na para busisiin kung sufficient in form and substance.
