Magpahigayon ang Commission on Elections kon Comelec Malaybalay sa usa ka Prospective Candidates Forum.
Sa interview sa RMN ngadto kang Atty. Chubasco Caiña, ang city election officer gibutyag niini nga ipahigayon ang mao nga forum sa Barangay Sumpong covered court karong March 7, 2018 alas 8:00 sa buntag.
Alayon niini gi-aghat ni Caiña ang mga adunay plano ug interesado nga magpapili karong umaabot nga eleksyon sa Mayo 14, 2018 sa SK og BARANGAY nga muapil sa mao nga forum.
Gidasig niini ang mga magpapili nga barangay kapitan ug unom ka mga kagawad niini ug SK chairman ug 6 ka kagawad sa pagtambong sa mao nga kalihukan.
Sigun sa city election officer nga tumong niini aron makabalo ug makabaton sa ideya ang kandidato kung unsay buhaton ug dili angayang buhaton sa umaabot nga piniliay.
Aduna usay ipahigayon nga susamang aktibidad ang ubang mga siyudad ug lungsod apan sa Malaybalay himoon kini ugmang adlawa.
Alayon niini gipanawagan ni Atty. Caiña ang mga mukandidato sa Brgy ug SK eleksyon nga muapil sa mao nga kalihukan.
