Mas palig-onon pa ang proteksyon ug kaayuhan sa mga kabataan pinaagi sa gimugnang Comprehensive Emergency Program for Children (CEPC).
Matud ni Department of Social Welfare and Development o D-S-W-D Acting Secretary Virginia Orogo nga ang programa gilunsad sa D-S-W-D kauban ang pipila ka National Government Agencies ug Civil Society Organizations sunod sa gipatumang balaod nga ‘Children’s Emergency Relief and Protection Act’.
Ang maong balaod naghatag mandato sa national ug local government agencies nga magpatuman sa usa ka comprehensive emergency program.
Kini matud pa ang magsilbing guiding document aron himoong prayuridad ang proteksyon sa mga kabataan, mga buros nga inahan ilabina sa panahon sa kalamidad ug emergency nga sitwasyon.
Pinaagi sa programa, gusto lamang masiguro sa D-S-W-D nga wala nay kabataan ang mabiktima sa bisan unsang klase nga pagpangabuso, harassment, pagpahimulos, trafficking, pagpasagad ug kagubot.
