Nagalaom si Provincial Administrator Rayfrando Diaz nga mangin madinalag-on ang mass testing sa ciudad sang Talisay, Silay, Bago kag Murcia nga magasugod naman bwas nga adlaw, Agosto 30.
Sa interview sang DYHB kay Diaz, ginapa-preparar na sini ang nasambit nga mga local government units bangud ang provincial government ang preparado naman maghatag sang manpower. Kinse ka medical technologists halin sa province kag 18 ka iban pa halin naman sa iban nga LGU ang ipadala para sa mass testing sa apat ka mga nasambit nga lugar sa diin 5,000 individuals ang target.
Suno kay Diaz, importante nga matumod ang mga positibo sa virus, ma-isolate kag mapaayo ang mga ini sa madali nga panahon.
Gin-athag man sang provincial administrator nga wala sang lockdown sa bug-os nga probinsiya samtang ginapatigayon ang mass testing. Ang Silay, Talisay, Bago kag Murcia gid lamang ang sarang makapatuman sang restrictions sang movement sang ila pumuluyo santo man sa executive orders sang ila mga alkalde.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
