General Santos City–hingpit nang gipulihan ang labaw sa kapulisan sa Sarangani nga si Police Sr. Supt. Joseph Semillano human nga hingpit nang natiwas ang duha ka tuig nga termino niini isip Provincial Director sa Sarangani Police Provincial Office.
Si Semillano gipulihan ni Police Senior Supt. Arpha Abul Kyr Macalangcom Jr., diin gihimo ang turn over of command kagahapong adlawa sa Sarangani Police Provincial Office nga gitambungan sa mga tag-as nga opisyal sa Rehiyon 12 ug sa mga opisyal sa Sarangani Province sa pagpanguna ni Sarangani Governor Steve Chiongbian Solon.
Sa pakighinabi sa RMN Gensan News team kang Macalancom iyang gibutyag nga dili na bag-o alang kaniya ang Sarangani Province human nga nahimo na kining labaw sa Probincial Mobile patrol group sa Probinsya niadtong tuig 2011 hangtud tuig 2013. Naasign na usab kini sa Intelligence Division sa PRO-12 sulod sa upat ka tuig dayon nahimong chief sa Regional headquarters Support Group sa rehiyon 12.
Gikumperma usab ni Police Sr. Supt. Macalancom nga gikatakdang mag courtesy call kini ngadto sa tanang mga mayor sa pito ka mga lungsod sa Sarangani.
Tumong aron nga ipa-ila ila ang iyang kaugalingon ug sayron kung unsay buot sa mga mayor nga iyang ipatuman nga programa sa kapulisan sa matag lungsod.
Samtang subli usab niyang hinabion si Sarangani Governor Steve Chiongbian Solon alang sa daghan pang mga hisgutanang angayan nilang hisgutan kalabutan sa pagpatuman sa seguridad ug kahapsay ug kalinaw sa Probinsya sa Sarangani.
(Photo Credit to: Tatex Macalancom)
