Usa lamang ang buhatan sa Provincial Disaster and Risk Reduction Management ubos sa pamunoan ni Mr. Sotsot Dy nga anaa dayon paspas nga naka-responde sa mga dili matagnang aksidente labina sa nagkadaiyang lungsod sa Misamis Oriental.
Masaligan sab ang buhatan dili lang panahon sa emerhensya apan ning bag-ohay lang nga paglusad sa Brigada Eskwela kung hain ang mga rescuer nitabang sa pagpanglimpyo sa mga tunghaan. Gawas niini nagpadayon ang ilang pagpa-higayon sa training ngadto sa mga nagkadaiyang tunghaan lakip sa kolehiyo ug kalungsuran kalabot sa Basic Life Support (BLS) ug Standard First Aid (FSA) Training.
Anaa sab sila naka-standby sa mga dagkong kalihokan sa kapitolyo sama na lamang sa bag-ohay lang natapos nga Governnment Association of Certified Public Accountants 41st Annual National Convention and Seminar.
Kahinumduman si Governor Bambi Emano kanunay nga gabalik-balik sa pag-ingon kung unsa na kalayo sa naabtan sa maong buhatan sukad sa iyang pamunoan unom ka tuig gikan sa iyang pag-lingkod.
