Gina-hangyo sang United Negros Drivers and Operators Center – UNDOC nga dapat mag-intervene na provincial government angot sa nagapadayon nga problema sang management sang Vallacar Transit sa diin kanselado ang mga byahe sang Ceres Liner sa sur nga bahin sang Negros.
Suno kay UNDOC Secretary-general Diego Malacad nga ila ginatingwa-an nga mapasakay tanan ang mga pasahero pina-agi sa mga mini-bus (double tire) apang indi gid nila tanan ma-accommodate.
Paathag ni Malacad nga dapat mag-intra na ang provincial government kag ipatawag ang mga public transport group sa Negros Occidental kaupod sang LTFRB agud nga mahatagan sang temporary solution ang problema sa karon sang Vallacar.
Nagapawagan ang UNDOC kay Governong Bong Lacson nga e-request sa LTFRB nga hatagan sila sang special permit agud nga ila ma-serbisyuhan ang mga rota nga madamo sang apektado nga pasahero.
Pabutyag ni Malacad nga ang taga-Canla-on ang nagrequest subong nga adlaw sang 40 ka VAN apang wala nila ginpadal-an bangud nga wala sila sang permit.
Gina-suggest man sang UNDOC ang mga LGUs nga ipa-gamit ang ila mga service vehicles bangud nga indi masarangan sang double tire ang tuman ka damu nga mga commuters.
Ang Southern Negros Mini Bus Drivers and Operators Association ang naga-byahe sang rota nga: Bacolod-Kabanlalan, Bacolod La Castellana, Bacolod-La Carlota kag Bacolod-Candoni.
