BACOLOD CITY-Nagbayad na ang provincial government sang Negros Occidental sang downpayment para sa baklon sini nga COVID-19 vaccine sa AstraZeneca.
Gin-confirm sa DYHB ni Governor Eugenio Jose Lacson nga nagbayad sang P4 million nga downpayment para sa P30 million pesos nga ginpain sang probinsya para sa bakuna.
Apang sini pa nga bulan sang Marso iga-anunsiyo sang AstraZeneca kon san-o nila i-deliver ang bakuna sa probinsiya.
Una naman nga ginpahayag ni Governor Lacson, nga una ginpainan sang pondo sang probinsiya ang bakuna para sa mga healthworkers.
Nahibaluan nga kahapon nagbayad naman ang ciudad sang Bacolod sang P31 million nga downpayment sa AstraZeneca para sa baklon man sini nga bakuna.
[image: image.png]
Facebook Comments
