Nag-umpisa na hatag sang ayuda ang provincial government sang South Cotabato sa mga biktima sang balatian nga dengue, matapos nga may-yara sang P1 million nga gin-alokar sa gin-aprobahan nga P15 million disaster quick response fund para sa pagtapna sang nasambit nga balatian.
May-angot sini, suno kay Provincial Social Welfare and Development Officer Haidie Agustin may gin-istablisar sila nga dengue fast lane para sa mga pasyenti nga nagapangayo sang ayuda.
Ginpahayag niya man nga magadepende sa assessment sang social workers kon pila ang ihatag sa mga biktima sang balatian nga dengue.
Samtang ginkumpirmar man ni Agustin nga magluwas sa pondo para sa may balatian nga dengue may bastante pa nga pondo ang provincial government para sa iban nga nagapangayo sang ayuda matapos nga nagadagsa ang nagapangayo sang bulig sa subong.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
