Ginaplastar nila sa subong suno kay South Cotabato Governor Reynaldo Tamayo Jr., upod ang pamunuan sang mga eskwelahan dire sa probinsya para sa implementasyon sang scholarship program sa kolehiyo.
Suno sa iya dapat nga indi magdoble ang scholarship program nga maavail sang mga estudyante kabahin sang iya katuyuan nga free education paagi sa paggamit sang scholarship program sang national government kag magaugment na lamang ang provincial government sang South Cotabato.
Partikular sa ginatumod sang gobernador ang “unifast kag tulong dunong” nga ginapatuman sang Commission on Higher Education (CHED)
Samtang ang problema lamang suno pa ang mga eskwelahan sa banwa sang Surallah tungod sa presensya sang state college indi sila makaavail sang Unifast.
May-angot sini, iya ginhingyo sa mga katapo sang Sangguniang Panlalawigan nga maghimo sang resolution nga nagarequest kay South Cotabato 2nd District Congressman Ferdinand Hernandez nga ipa-exclude ang state college sa Surallah agud makaavail man ang iban nga eskwelahan sa banwa sang Unifast matapos nga isa man lang suno pa ka kurso ang ginaoffer sa subong.
