Provincial Government sang South Cotabato magahatag sang dugang nga ayuda sa mga taga- South Cotabato nga maadmitir sa duha ka mga ospital.

Magahatag sang konsiderasyon paagi sa paghatag sang dugang nga hospital assistance ang provincial government sa mga bululigan gid nga pasyenti nga taga-South Cotabato nga maadmitir kag nagapadialysis sa Dr. Arturo Medical Center kag Allah Valley Medical Specialist Center Inc.matapos nga ginkakas ang Philhealth accredition nila.
Suno kay Sir Rudy Jiminea, Executive Assistant IV sang Governor`s Office ini matapos nga insigida nga nagpatawag si Governor Reynaldo Tamayo Jr., sa representative sang nasambit nga duha ka mga pribado nga hospital sa syudad.
Samtang aminado si Jiminea nga limitado na man lang ang pondo nga nabilin para sa hospitalization assistance tungod last quarter na sang tuig.
May-angot sini, may koordinasyon naman suno pa sila sa pamunuan sang DSWD 12 para sa referral system kag ginpahanda naman sang gobernador ang tanan nga mga government hospital sa probinsya.
Ginaasikaso naman nila suno kay Sir Jiminea ang pagpakigmoa sa Socomedics agud makahatag sang ayuda ang provincial government sa mga pasyenti nga maadmitir sa nasambit nga balay bululngan.
Ginpahayag niya man nga sa pagpauli ni Governor Tamayo halin sa Indonesia magapatawag siya sang pagsinapol sa health board agud talakayon kon ano ang sarang pa mabulig sa mga pumuluyo sang probinsya angot sa nasambit nga problema.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>