Ginkaalarma niya suno kay South Cotabato Governor Reynaldo Tamayo Jr. ang pagnubo sang buying price sang palay sa subong tungod sa implementasyon sang Rice Tarrification Law ukon pagbaha sang madamo nga imported rice nga apektado ang mga mangunguma.
May-angot sini, nagpatawag na siya sang pagsinapol sa mga Municipal kag Provincial Agriculture Office agud sa himuon nga intervention sang provincial government nga maproteksyunan ang mga mangunguma sa posible pagnubo pa gid sang buying price sang palay dire sa probinsya sa masunod nga inadlaw matapos nga yara na lang sa subong suno pa sa P13.00 kada kilo ang buying price.
Suno kay Governor Tamayo plano nila nga makig-tie –up sa National Food Authority paagi sa pagdugang sang dos pesos sa buying price sang ahensya ukon ang provincial government ang mamakal sa presyo sang P23.00 ang buying price paagi sa pagpondo sang P5 tubtob 20 million para sa procurement operation nga mabalik man suno pa ang nasambit nga pondo.
Samtang agud masiguro nga indi mabentaha ang nasambit nga programa may-yara suno pa sang measures sila nga ipatuman nga ang makabenepisyo ang mga lehitimo lang nga mga mangunguma sa probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
