Ginaduso ni Dr. Rogelio Aturdido Jr., Provincial Health Officer sang South Cotabato ang pagbakal sang fogging machine agud nga magamit sa tion nga kinahanglan na gid nga magpatigayon sang fogging batok lamok nga nagadala sang balatian nga dengue.
Ini matapos nga tatlo pa lang man ka mga banwa ukon indi tanan nga banwa dire sa probinsya ang may-yara sang fogging machine amo nga dapat may-yara ang Provincial Health Office agud nga kon kinahanglan may sarang nga magamit.
Pagakuhaon naman ang pondo sa baklon nga fogging machine sa Provincial Disaster Risk Reduction and Management Council.
May-angot sini, ginkumpirmar ni Dr. Aturdido nga paagi naman sa PDRRMC ginapaidalom sa subong sa training ang barangay health emergency response team agud nga makabulig sa kampanya kontra dengue.
