Provincial Veterinary Office nagapabilin nga istrikto nga ginapatuman ang “no Avian Influenza testing, no travel policy” sa mga trancient ducks.

Nagapabilin nga istrikto nga ginapatuman sa subong sang Provincial Veterinary Office sang South Cotabato ang no Avian Influenza testing no travel policy sa mga trancient ducks.
May-angot sini, suno kay Provincial Veterinarian Dra. Flora Bigot may naistablisar sila nga checkpoint sa mga nagagwa kag sulod dire sa probinsya nga mga travelling ducks.
Samtang kada anum ka bulan naman suno sa iya nagapatigayon ang iya talatapan sang blood testing sa nasambit nga mga kasapatan.
Ginkumpirmar man ni Dra. Bigot nga nagpatigayon man sila sang Avian Influenza testing sa iti sang mga pispis nga nagadagsa dire sa syudad sang Koronadal agud mahibaluan kon ano nga sakit ang ila nga dala.
Ginapasalamatan man sini nga nagapabilin nga free ang South Cotabato sa avian influenza nga nagaigo sa mga may pakpak nga sapat kapareho sang manok, pispis, pato kag iban pa