Indi lang ang kaso sang tipdas ang ila nga ginatutukan suno kay Dr. Rogelio Aturdido Jr., Provincial Health Officer sang South Cotabato kundi pati man ang iban nga balatian kapareho sang dengue kag typhoid fever tungod nagasaka man ang kaso sini sa subong.
Base sa ila nga datos suno kay Dr. Aturdido yara na sa 490 ang kaso sang balatian nga dengue dire sa probinsya kag isa ang patay halin Enero 1 tubtob Pebrero 9 subong nga tuig.
Ang nasambit nga kaso ang mataas sang 132.2% kumparar sang nagligad nga tuig sa kapareho nga period.
Nagapanguna naman sa may mataas nga kaso sang dengue ang Koronadal City nga may 107, ginasundan sang Tupi may 64, Polomolok – 59, Surallah -54, Tantangan kag Banga may 47 ka kaso , T`boli – 43, Norala -23, Lake Sebu -20, Tampakan – 14, kag Sto. Niño – 13.
Samtang ang mga barangay naman nga may clustering sang kaso amo ang mga masunod Brgy. Malaya, San Vicente & Liwanay sang Banga, sa Koronadal City; Brgy. Sto. Niño, Sta. Cruz, Morales, Rotonda, Zone IV, GPS, Zone I & Zone III), Lake Sebu (Luhib, Poblacion & Tasiman), Norala (San Miguel & Poblacion), Polomolok (Cannery Site,Glamang, Silway 8 & Poblacion), Santo Niño (Panay), Surallah (Lamsugod, Lamian, Dajay, Centrala & Libertad), Tantangan (Dumadalig, Poblacion, New Iloilo, San Felipe, Libas & Bukay Pait), T’boli (Laconon, Edwards & Poblacion), Tupi (Poblacion, Polonuling, Bololmala, Acmonan, Cebuano & Simbo)
May-angot sini, suno kay Dr. Aturdido padayon ang paglibot sang mosquito borne diseases team ang nagapadulong na sa mga barangay kag ABC meeting agud nga hangkaton ang mga katawhan kag mga opisyal nga maghulag batok dengue.
