Magapanaug sila sa mga barangay suno kay Dr. Rogelio Aturdido Jr., Provincial Health Officer sang South Cotabato sa pagpangita sa mga positibo sa tuberculosis paagi sa pagpaidalom sa mga may ginasuspetsahan sa nasambit nga balatian sa X-ray.
May-angot sini, magabuo sang “TB hunters” ang Provincial Health Office nga amo ang manguna sa nasambit nga tikang.
Suno kay Provincial Health Officer Dr. Rogelio Aturdido Jr., may record na sila sang target nga numero sang may ginasuspetsahan nga TB nga amo ang kadtuan sang mobile x-ray sang talatapan.
Ang nasambit nila nga tikang suno kay Dr. Aturdido ang tungod sapadayon nga pagtaas sang kaso sang TB sa probinsya bisan may-yara sang libre nga medikasyon nga ginahatag tungod may pipila nga nagauntat.
Samtang ginkumpirmar niya man nga sa subong may kakulangan na sang bulong batok balatian nga TB nationwide amo nga paagi sa pag-edukar sa mga pumuluyo mapunggan ang paglapta sang nasambit nga balatian.
