Provincial Health Officer sang South Cotabato ginaawhag ang mga barangay officials nga i-organize kag activate na ang BHERT.

Ginaawhag ni Dr. Rogelio Aturdido Jr., Provincial Health Officer sang South Cotabato ang mga barangay officials sa probinsya nga i-organize kag i-activate na ang barangay health emergency response team tungod indi na pwede nga sa masunod pa nga semana ilabi na nga padayon ang paandam sang 2019 Novel Coronavirus Acute Respiratory Disease ukon nCov.
Suno kay Dr. Aturdido indi na makaya sang surveillance officers sa mga munisipyo kon madamo ang imonitor sa mga bag-o abot nga mga residente sa ila nga barangay nga halin sa mga pungsod nga may kumpirmado nga kaso sang 2019 Novel Corona Virus.
Obligasyon sang BHERT suno pa nga i-identify ang mga bag-o salta ukon abot sa ila nga barangay nga halin sa abroad.
Nahibaluan nga una na nga nagpaggwa sang kamanduan ang Department of Interior and Local Government (DILG) sa mga barangay officials nga mag-organize kag i-activate ang ila nga BHERT.
Pagabug-usan ang BHERT sang kapitan, Brgy. Kagawad, midwife, nurses, barangay health workers kag barangay tanod kag kada 5,000 ka populasyon isa ka BHERT ang i-organize.