Indi magpati sa nagalapta sa social media nga delikado nga magkaon sang isda sa subong tungod sarang nga makakuha sang balatian nga Human Immunodefficiency Virus ukon HIV.
Suno kay Dr. Rogelio Aturdido Jr., Provincial Health Officer sang South Cotabato wala sang kamatuoran nga matakdan sang balatian nga HIV paagi sa pagkaon sang isda nga infected sa amo nga sakit tungod mabuhi lang ang virus sa lawas sang tawo.
Ini matapos nga base sa nagalapta sa social media nagapaandam nga indi magkaon sang isda tungod may tube nga ginhaboy sa dagat nga halin sa hospital nga may sulod nga dugo nga ang tag-iya suno pa ang pasyenti sang HIV/AIDS kag naglapta sa dagat.
Nahibaluan nga pipila ka mga pumuluyo dire sa probinsya ang nagapati sa nasambit nga mga impormasyon nga nagalapta sa social media.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
