North Cotabato–Patay ang 2 ka miyembro sa New People’s Army (NPA) samtang upat ang angol sa gilusad nga air to ground assault sa militar sa North Cotabato.
Subay sa \report sa 901st Brigade Philippine Army natigayon ang engkwentro tali sa NPA ug sa ilang tropa human nakadawat sila ug report nga nag tigum ang mga miyembro sa NPA ilawom sa Guerilla Front Committee 72 sa Sitio New Alemodian Barangay Banayal, Tulunan, North Cotabato.
Tungod niini gilayon nga girespondihan sa militar ang lugar nga miresulta sa halos usa ka oras nga engkwentro nga hinungdan sa kamatayon sa tulo ka NPA ug pagkaangol pa sa upat.
Tungod sa daghang miyembro sa NPA migamit na ang militar ug duha ka helicopter gunship sa Philippine Air Force diin ilang gibomba ang kuta sa walhong pundok. Mitabang usab ang field Artillery Battalion kansa mibuhi ug 105 mm Howitzers cannon sa posisyon sa mga NPA.
Sa karon nagpadayon pa ang gihimong clearing operation sa militar sa nabukid nga bahin sa lugar .
