Pabor ang Provincial Population Office sa Misamis Oriental sa hisgutanan sa birth control o pag limit sa matag pamilya ngadto sa tulo lang ka anak.
Gibutyag ni Population Office Head Andrew Gapuz, mas dako ang daotang epekto sa daghan og miyembro sa pamilya kumpara sa pipila lang sulod sa panimalay.
Aminado ang opisyal nga usa siya ka catholic devotee apan alang kaniya, kinahanglang maundang ang pagdaghan sa tawo diin mas daghan usab ang krimen nga gakahitabo.
Kung hisgutan pa ang teenage pregnancy, mas dako ang problema sa mga ginikanan sa ilang mga anak nga dalagita.
Sa karon, duna nay upat sa teen centers sa lalawigan nga maoy dalangpanan sa mga batang babaye nga nag problema sa gugma ug pamilya.
Facebook Comments
