Alarming na suno kay Dr. Romelo Quinton sang Provincial Veterinary Office sang South Cotabato ang kaso sang nagpositibo sa rabies nga mga ido dire sa probinsya tungod nakarekord na sila sang syam halin Enero tubtob subong nga bulan.
Sa nasambit nga numero apat sa banwa sang Tantangan nga halin sa mga barangay sang Cabuling, Dumadalig, Tinongcop kag Maibu, isa sa Dajay sang Surallah, apat naman sa Koronadal City nga halin sa Brgy. Sta. Cruz, Zone 1 kag Mambucal nga may duha ka mga ido nga nagpositibo sa rabies base sa examination sa ulo sang mga ini.
May-angot sini, suno kay Dr. Quinton gilayon nila nga ginpatigayunan sang rabies vaccination ang tanan nga ido sa nasambit nga mga barangay agud mapunggan ang paglapta sang rabies sa lugar.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
