Nakuha na usab sa administrasyon ni Mayor Oscar Moreno sa ikatulong higayon ang Seal of Good Education Governance kon SGEG.
Kini tungod sa mga kausaban ug kalamboan sa natad sa edukasyon nga gipatuman sugod 2013.
Lakip sa mga kabag-ohan nga gipatuman ni Mayor Moreno ang pagpalapad sa membership sa Local School Board (LSB) diin gihatagan og tingog ang kabatan-onan, interfaith group, business chambers, academe (private and public schools) federated PTA ug tumong niini nga malangkubon ang serbisyo alang sa edukasyon.
Tungod niini, hinay-hinay nga nasulbad sa syudad ang emergency classes sa elementary ug secondary schools ug nahatagan sa sakto ug hamugaway nga pagtuon ang mga kabataan.
Nahimo na usab nga sumbanan o pilot ang LSB sa syudad sa halos tibuok nasud tungod sa outstanding results niini.
Kini naglakip na sa paghatag og saktong nutrisyon, paglikay sa kabataan sa early teenage pregnancy ug druga.
Sa karon anaa na sa kapin 700 ka mga classrooms ang natukod ug kamulong gitukod sa syudad sa halos tanang kabarangayan alang sa public elementary ug secondary schools pinaagi sa pundo sa Special Education Fund.
Ang SGEG gipasiugdahan sa Synergeia Foundation kauban ang United States Agency for International Development ug PLDT-Smart TeleCommunications.
