PRRD: Mga rebelde gipa-surrender

27

Davao City – Subling nanawagan si Presidente Rodrigo Duterte ngadto sa mga rebelde nga mutahan na kun mo-surrender sa gobyerno.

Kini ang panawagan sa pangulo sa pagpanguna niini sa pag award sa housing units ngadto sa 34 ka mga kanhi rebelde gikan sa tibuok Davao region kagabii sa nga gipahigayon sa Freedom Residences sa Barangay Cuambogan, Tagum City, Davao del Norte.


Segun sa presidente nga adunay gitaganang dakong kantidad sa kwarta aron mamahimong maka eskwela ang mga mitahan nga mga rebelde alang sa pagsugod sa bag-ong kinabuhi.

“So magsabot lang ta. Surrender na mo pero pagkahuman, pagtuon mo og skills training kay nawala namo eh. Si General Lapeña gihatag nako na, dako nang kwarta ana,” saysay ni Duterte.

Dugang ni Duterte nga walay kapadulngan ang kalihokan sa mga kumunista diin bugtong hunahuna lamang mao ang pakigbatok sa gobyerno.

“Musulod mo anang kalihokan nga wala na gani magsunod og rason, it’s totally bankrupt kun bangko pa. Wala nay ideya. Ang nahibal-an nalang bala ug pusil,” segun ni Duterte.

Kauban usab sa pangulo sa maong okasyon si Department of National Defense (DND) Secretary Delfin Lorenzana, Department of the Interior and Local Government (DILG) Secretary Eduardo Año, Housing and Urban Development Coordinating Council (HUDCC) Chairman and Secretary Eduardo del Rosario, and National Housing Authority (NHA) General Manager Marcelino Escalada Jr.

RadyoMaN Kirby Manzon

Facebook Comments

From Advertisers