Davao City – Wala makatambong atol sa miting de avance kun katapusang grand rally sa Hugpong ng Pagbabago kagabie si Presidente Rodrigo Duterte sa San Pedro Square.
Mismong si HNP chair Davao City Mayor Sara Duterte-Carpio ang nikumpirma niini sa hinapos nga parte sa aktibidad.
Matud sa alkalde nga nilantaw ang pangulo sa HNP rally pinaagi sa livestream.
“Gustong ipaabot ni President Duterte ang iyahang pasalamat sa inyong tanan sa padayon nga pagsuporta sa administrasyon. Nangayo siya’g pasensya ninyo kay dili siya makatambong sa rally karong gabie,” sumala sa mayor .
Gipaabot sa mayor ang mensahe sa iyahang amahan nga kinahanglan nga ang tanan mugawas sa ilahang mga panimalay karong Lunes para mu-boto.
Samtang, atol sa ambush interview sa media kang kanhi Special Assistant to the President Christopher Lawrence “Bong” Go wala makatambong ang pangulo tungod gikapoy kini.
Taliwala sa kakusog sa ulan kagabie kapin kun kulang 50,000 ka mga supporters sa mga kandidato ang nidagsa sa grand rally.
RadyoMaN Aimee Guinita
