General Santos City—Aduna na matud pay person of interest karon ang Police Station 3 sa nahitabong rambol gawas sa explore bar nga miresulta sa kamatayon sa duha ka mga indibidwal alas 2:00 ang takna sa kaadlawon kagahapong adlawa.
Sumala pa ni Police Major Benhur Catcatan, Chief Of Police sa Police Station 3 nga sa karon gunit na nila ang tistigo nga nakakita sa maong kagubot kung asa napusilan patay ang usa ka Jay Napalit , 22 anyos, usa ka tricycle driver ug nanimuyo sa Prk 4b raja muda bula samtang na dungab patay man usab ang kalaban grupo sa nahisgutan ang usa ka john Vincent lopez 21 anyus nga nanimuyo sa Barangay Conel.
Dugang pa ni Catcatan nga sulod palang sa explore aduna nay panagbingkil ang duha ka grupo hinungdan nga paggawas sa mga nahisgutan nahitabo ang rambol kung asa nag daganay padulong sa Arrazada Street, Corner J. Catolico Avenue ang mga nahisgutan.
Sa karon girequest naman usab sa Police Station 3 ang CCTV footage sa mga patigayon nga anaa sa palibot aron nga ma-identify nila ang uban pang involve sa maong krimen.
Narecover sa kapulisan ang 4 ka mga empty shell sa 9mm nga kalibre sa armas, samtang ang patay nga lawas sa mga biktima ang anaa sa sa lokal nga purenarya dinhi sa dakbayan.
