General Santos City–Aduna nay ginasundan karon nga person of interest ang police station 4 nga maoy responsible sa pagpanunggab patay sa usa ka estudyante nga na ilang si Jhonrey Helladoga, 18 anyos ug nanimuyo sa Prk Malipayon, Barangay Calumpang ning syudad.
Sumala pa ni Police Captain Davis Dulawan ang hepe sa Police Station 4, basi sa nahimo nila nga pagsuta migula matud pa ang pagalan sa ilahang person of interest ug nagapangita nalang sila ug kongkreto nga ibidensya aron nga mapsakaan ug kaso ang suspect.
Samtang personal grudge ang ginatan-aw nga motibo sa kapulisan kabahin na sa maong insidente tungod kay ayha nahitabo ang krimen adunay nakalaban ang nasampit nga biktima sa ilahang lugar ingon man aduna naman usay mga record ang nahisgutan nga nagpatala sa Police Station 2 tungod sa bahad sa iyahang kinabuhi.
Dugang pa ni Capt Dulawan nga naka-angkon ug usa ka samad dinungaban ang biktima sa iyahang tuo nga bahin sa ilok nga maoy hinugdan sa iyahang kamatayon.
Basi matud pa sa salaysay sa mga witness nga gikan sa eskwelahan ang nasangpit nga biktima ug pauli na unta ngadto sa ilahang panimalay ug tungod aduna kiniy tricycle na-anad kini nga adunay nagasakay kaniya nga mga classmate niini.
Apan sa maong higayon aduna matud pay misakay kanila nga lalaki ug mikanayon nga monaug lang sa unahan partikular na sa Aparente St. Atubangan sa patahian inn ug sa dihang anaa na sa ngit-ngit nga bahin giduslak lang kalit sa suspect ang biktima dayong dagan palayo sa lugar. (Dave Silagan)
