Progresibong grupo bagsak ang grado nga gihatag kang Presidente Duterte sa SONA niini

General Santos City—Gitagaan ug Bagsak nga grado sa mga progresibiog grupo ngadto kang president Duterte dungan sa Ika- upat niini nga State Of The Nation Address (SONA) kagahapong adlawa.

Sumala pa ni Ali Macalintal ang Deputy Secretary General sa Karapatan Socsargen nga sa rehiming Duterte matud pa anaa na ngadto sa subra 20 mil ang natalang pag supak sa tawhanong katungod sa mga aktibista nga wala matud pay gibuhat kundi ang makigbisog sa ilahang gituohan.

Dugang pa niini nga gawas sa pagsupak sa tawhanong katungod sa mga aktibista nakatala usab ug 117 nga pag pangharass sa ilahang mga lider pinaagi sa pag pag pasaka ug butang-butang nga kaso ingon man 14 ka insedente sa pagpatay sa ilahang han-ay.


Klaro matud pa nga bakak lang ang nahimong report sa pangulo ngadto sa iyahang sona tungod kay hantud karon wala matud pay pag bag-o hilabi na sa war on drugs niini nga puros mga kabus matud pa ang nabiktima.

Samtang hangtud sa karon wala ,man usab na sulusyonan sa administrasyong Duterte ang nagataas nga presyo sa palaliton ug ang kawalay trabaho sa mga Pilipino. (Dave Silagan)

Facebook Comments