Davao City – Mokabat sa 10,000 ka mga personahe gikan sa managlahing security clusters ang i-deploy subay sa Oplan Kaluluwa 2019.
Sumala ni Public Safety and Security Command Center (PSSCC) head Angel Sumagaysay nga dunay kinatibuk-ang 9,641 ka mga personahe ang ideploy sa 35 ka mga sementeryo sa tibuok syudad sa Davao.
Matud ni Sumagaysay nga sa 16 ka mga public cemeteries, mu-average sa 1928 ka mga opisyal ang i-deploy sugod Oktubre 30, duha ka adlaw una ang Kalag-kalag ug i-pull out sa Nobyembre 4, duha ka adlaw human sa maong aktibidad.
Dugang niini, muabag usab og personahe ang PRO 11 aron mutabang sa paghatag og seguridad sa matag sementeryo.
Samtang kanunay nagpahinumdom ang Task Force Davao labot sa ‘culture of security’ kun ang mga angay ug dili angay nga buhaton alang sa kaluwasan sa katawhan.
Butyag ni TFD commander Consolito Yecla, duna nay nangayo og security measures kanila sama sa Forest Lake karong adlaw’ng Sabado pa lamang.
Gani ilang sutaon ang mga pamaagi sa terorismo aron maseguro nga mamahimong malinawon ug luwas ang pagkomemorar sa Todos los Santos.
RadyoMaN Jason Amisola
