PSWDO South Cotabato ginapahanumdom sa katawhan nga indi na sila magrelease sang ayuda, umpisa bwas nga adlaw.

Ginapahanumdom ni Provincial Social Welfare and Development Officer Haidie Agustin ang katawhan sang South Cotabato nga umpisa bwas nga adlaw, Marso 29,2019 indi na sila maghatag sang ayuda sa mga magapangayo sang burial, hospital, financial assistance kag iban pa.
Ini tungod mag-epektibo na ang election ban sa Assistance to Individual in Crisis Situition ukon AICS program sang local government units kadungan sang pag-umpisa sang campaign period.
May-angot sini, suno kay PSWDO Agustin magaresume ang pagpanghatag nila sang assistance pagkatapos na sang Mayo 13 nga eleksyon.
Samtang halin Enero tubtob Marso subong nga tuig suno sa iya nagalab-ot sa masobra 4,400 ang nahatagan sang provincial government sang ayuda sa idalom sang AICS program.
Ginkumpirmar niya man nga nag-untat naman ang pagpatigayon sang outreach program sang provincial government sa mga kabaranggayan dire sa probinsya.