Cauayan City – Itinatag ni PCPT Brian A. Epie, Officer-in-Charge (OIC) ng Maddela Police Station, ang isang Public Assistance Desk sa bayan ng Maddela, Quirino.
Layunin ng desk na ito na magbigay ng agarang tulong sa mga mamamayan, partikular sa mga isyu ng trapiko at iba pang pangangailangan ukol sa seguridad sa buong munisipalidad.
Ayon kay PCPT Brian Epie, ang pagsisimula ng Public Assistance Desk ay bahagi ng kanilang mga hakbang upang mapabuti ang kaligtasan at seguridad ng mga residente sa Maddela.
Ang desk ay magbibigay ng tulong sa mga pangyayari tulad ng aksidente sa kalsada, pag-aayos ng mga isyu sa trapiko, at iba pang mga insidente na nangangailangan ng mabilis na aksyon mula sa mga awtoridad.
Itinuturing itong isang epektibong hakbang ng Maddela Police Station upang mapanatili ang kaayusan at kaligtasan sa buong bayan.
Sa pamamagitan ng Public Assistance Desk, mas magiging accessible ang serbisyo ng kapulisan sa mga mamamayan at mas madali nilang matutugunan ang mga pangangailangan ng komunidad.
