Davao City – Giplastar na alang sa third reading ang ginaduso nga public drinking ban ordinance sa Davao City Council.
Sumala ni Davao City First District Councilor Maria Belen Acosta, tumong sa maong ordinansa ang pag bawal sa pag-inum sa mga pampublikong dapit.
Dugang ni Acosta, nigawas kini nga ideya human nakahinabi niya ang mga barangay officials nga naglisod og badlong ngadto sa mga naga-inum kada gabii gumikan walay legal nga basehan kini aron sila masilotan.
“Usually maglisod na sila (barangay officials) sa mga grupo nga mag-inum, maglisod sila og badlong kay walay ordinansa,” segun ni Acosta.
Isip chairwoman sa Committee on Peace and Public Safety, posible usab niyang iduso ang pagbawal sa kalalakinhan nga mag topless sa pampublikong dapit.
RadyoMaN Jason Amisola
