Davao City – Nagsugod na og deploy ang Davao City Police Office (DCPO) og mga personahe atol sa implementasyon sa hugot nga seguridad para sa luwas nga summer vacation ug Semana Santa.
Sa interbyu sa RMN Davao kang Davao City Police Office head Police Col. Alexander Tagum gibutyag niini nga karong adlawa atol sa command conference ilahang hisgutan na ang ilusad nga Ligtas SumVac sa PNP.
“Naa namiy soft deployment, nagpasugod na ko og deploy og additional augmentation sa tanang mga vacation venues ug tanang tourist destinations sa Davao City,” matud ni Tagum.
Gibutyag ni Tagum nga nagpabiling naka-full alert ang DCPO.
“We will provide security and protection sa tanang simbahan and also we will be deploying enough police assistance desks sa tanang public convergence areas in line with the observance of the Holy week,” sumala ni Tagum.
Nakaplastar na ang Barangay Ronda Patrol sa 182 ka mga barangays sa syudad.
Sa kadaghang mga turista ug mubyahe atol karong bakasyon lauman ang mas hugot usab nga mga inspeksyon diha sa checkpoints.
“This is to ensure that our National highways and streets will be safe and secure for our people,” matud ni Tagum.
RadyoMaN Aimee Guinita
