Davao City – Huyang na ang mga Pulang Bagani Commands sa area sa 1003rd Infantry Brigade.
Gitataw ni outgoing 1003rd Infantry Brigade Commander BGen. Ernesto Torres atol sa interbyu sa RMN Davao nga tungod kini sa malampusong pagka neutralisa sa mga lider sa maong mga komunistang grupo.
Gipasigarbo ni Torres nga sukad sa iyahang paglingkod niadtong Mayo 26,2017 dakong kalampusan nila ang pagkaaresto sa top leader sa NPA kinsa giingo g nipuli kang Leoncio Pitao o Kumander Parago nga si Elizalde Cañete o Ka Jinggoy didto sa Bukidnon, ang napatay sa engkwento nga si Ka Ivy sa PB3 ug uban pang mga kadagkuan sa NPA nga ni-surrender na.
Sa pagbiya ni Torres sa 1003rd karong adlawa na-cleared niini ang 82 ka mga barangays kontra sa impluwensiya sa NPA.
“We can claim with confidence na after 2 years of being the Brigade Commander and being blessed with 4 very good and dedicated Batallion Commanders we will able to contribute significantly for the peace and security not only here in Davao City but also in Davao del Norte and in the areas where 1003rd operates,” sumala ni Torres.
Gatusan ka mga armas, eksplosibo ang nasakmit ug ila usab nabungkag ang daghang kampo sa kalaban sa gobyerno.
Kapin 20 ka mga Salugpungan schools ang napasara ilawom sa liderato ni Torres ug kapin 200 ka mga ex-NPAs ang nibalik sa sabakan sa gobyerno ug ni-avail sa E-CLIP.
Dako ang pagsalig ni Torres kang incoming 1003rd Infantry Brigade Commander Col. Nolasco Mempin nga mapadayon ang mga programa diha sa pagkab-ot nga mamahimong tunhay na ug luwas sa NPA ang uban pang mga lugar.
Karong adlawa hingpit na nga ipasa ni Torres ngadto kang Mempin ang liderato atol sa Change of Command.
Gisulti ni Torres nga siya usab karon ang mulingkod nga Deputy Commander sa Eastern Mindanao Command.
RadyoMaN Aimee Guinita
