Davao City – Dili garantiya nga ang paghatag ug emergency power ngadto sa presidente maoy mosumpo sa pagkuyanap sa coronavirus disease kun COVID-19 sa Pilipinas.
Sumala ni Department of Interior and Local Government (DILG-XI) Regional Director Alex Roldan, kining tanan mag-agad gihapon sa mga tawo kung motuman ba sa mga gipagawas nga guidelines sa gobyerno kung unsaon ang paglikay aron dili mataptan.
Gipasabot usab ni Roldan nga ang maong emergency powers gamiton sa pangulo sa higayong mograbi na ang sitwasyon aron ang presidente na ang mo-take over sa mga essential industries, sama sa mga hotel aron gamiton ug adto ibutang ang mga PUM ug PUI o mga pasyente nga dunay COVID-19, transportasyon ug telecommunication ingon man ang hinanaling pagpagawas ug pundo aron gamiton nga dili na moagi sa ensaktong proseso aron itabang sa mga tawong naapektohan sa maong balatian.
Bernard Pantallon
