NEGROS OCCIDENTAL – Gina-remind man sang Deparment of Enviroment and Natural Resources – DENR-Region 6 ang publiko ilabi na sa kabukiran nga maghalong sa paggamit sang kalayo.
Ini matapos nga nagmandu si DENR Secretary Roy Cimatu sa tanan nga mga local field offices nga mag-preparar sa posible pag-luntad sang forest fire bangud naman sang El Nino Phenomenon.
Suno kay DENR-Region 6 – Conservation Division Head – Dan Lorilla nga dapat maghalong sa pagdabok-dabok ang mga tawo nga yara sa kabukiran bangud nga halos mala ang tanan lakip na diri ang mga dahon sa palibot sa diin madasig ini nga dakpon sang kalayo.
Gina-hingyo man ni Lorilla nga ang mga mountaineers kag mga hikers nga dapat mangin responsable sa diin ipasiguro nga wala sang may ginbilin nga baga, upos sang sigarilyo kag tutod antis maghalin sa ila camp site ukon camping area./ File photo of DYHB of Cadiz City forest fire last August 2018
