Karong adlawa, inanay nang masinatian ang ulan nga epekto sa Bagyong Auring sa pipila ka bahin sa Mindanao, sa Caraga ug Davao regions, bisan sa Northern Mindanao.
Katapusang nasiplatan ang Tropical Storm Auring sa gilay-on nga 595 km East Southeast sa Hinatuan, Surigao del Sur.
Sa interview sa RMN ngadto kang Mindanao Pagasa Weather Forecaster Luz Mercado, gibutyag niini nga ugma hangtod Dominggo lauman na ang kasarangan ngadto sa kusog nga ulan sa Misamis Oriental, Camiguin, Bukidnon, ug Davao del Norte.
Sa forecast sa PAGASA mamahimong maglandfall si “AURING” sa eastern coast of Caraga Region sa Dominggo.
Dungan ninii nagpahimangno ang PAGASA sa publiko ilabina kadtong mga nanimuyo sa landslide ug flasgflood prone areas nga magmabinantayon.
Gisiguro usab niini nga hugot ang ilang koordinasyon tali sa LGU’s aron bantayan ang lihok sa Bagyong Auring.
