Bukidnon – Nagpahimangno ang Department of Labor and Employment kon DOLE ang publiko nga kinahangalang magmaigmat ug dili magpabiktima sa mga pekeng recruitment agency.
Sa interview sa RMN Malaybalay ngadto kang Labor Undersecretary Joel Maglunsod gibutyag niini nga gitambagan niini ang mga Overseas Filipino Workers kon OFW ug kadtong aduna pay plano nga mo-abroad nga dili mahimong kampante diha lang sa ilang mga recruitment agency kon dili kinahanglan nga makiglambigit usab ngadto sa mga Philippine Overseas Employment Agency kon POEA o dili ba kaha didto sa pinakaduol nga buhatan sa DOLE aron ma-abagan ug dili mabiktima sa mga illegal recruitment agency.
Matud ni Maglunsod nga usa sa problema sa mga OFW mao nga mabiktima sa mga illegal nga agency.
Gani daw adunay gihimo sila nga internal nga imbestigasyon sa mga buhatan ngadto sa sulod sa POEA, OWWA ug Bureau of Immigration kon BI aron masayran kon aduna bay mga iregularidad nga nahitabo tungod sa mga taho nga adunay mga anomlaya sulod sa sa maong mga buhatan.
Sigun niya nga dili mahimong talikdan nila mao nga mga problema tungod kay apektado niini ang mga katawhan.
