Bukidnon – Gidepensa sa Provincial Tourism Office kon PTO Bukidnon ang pag-usab-usab sa schedule sa Kaamulan Festival.
Sa interview sa RMN ngadto kang Provincial Tourism Office Joe-ann Bayona, gibutyag niini nga nakalatid sa ordinansa nga pagbuot o discretion sa chief executive nga mao ang gobernador kung kanus-a ipahigayon niini ang mao nga selebrasyon.
Hinoon giklaro sa ordinansa nga kinahanglan kada tuig adunay Kaamulan ang mapahigayon.
Matud ni Bayona nga iyang paningkamutan nga ma-fix nga sa bulan sa Marso gayod kini mabutang.
Mahinumduman nga sa tulo ka tuig usab nausab ang mao nga festival sugod kaniadtong centennial celebration sa tuig 2014.
Sigun ni Bayona nga gipaspas na gani ang Kaamulan Festival sa website sa Department of Tourism tungod sa pag-usab-usab sa petsa niini.
